úff, svaf yfir mig í morgun. Þetta hefst upp úr því að vaka langt fram á nætur öll kvöld. Í kvöld SKAL ég fara snemma í rúmið.
Birna Rún og Lea kíktu í gærkvöldi og komu skjálfandi á beinunum af taugastrekkingi inn til mín eftir að hafa keyrt í svartaþoku. Til að sitja ekki uppi með þær þurftum við svo að keyra þær hálfa leið til baka aftur :þ
Maður er strax orðin voða vanur að keyra á heiðinni og mér þykir þetta mikið minna mál eftir að ég flutti.
Skrepp í hádeginu og leigi út íbúðina á Tjarnarbrautinni. Vona að þetta gangi allt saman upp, það væri verra ef í ljós kæmi að leigjendurnir væru t.d sóðar eða ruddar eða e-ð þaðan af verra...
p.s. við erum komin með dísel bíl og nú þarf maður ekki að fá í magann yfir bensíneyðslunni. Það þykir mér mikil búbót
Gerast áskrifandi að:
Birta ummæli (Atom)
2 ummæli:
Þarftu ekki að vakna fyrir allar aldir til að komast á réttum tíma?
Ekki öfunda ég þig af því að þurfa alltaf að keyra yfir þessa blessuðu heiði :S
Legg af stað kl. 7.45 og mæti kl. 8.30 inni í Garðabæ. Verri þykja mér kvöldnámskeiðin sem eru nú ekki beint í alfaraleið svona á kvöldin...
Skrifa ummæli