des. 2009

Bollulegur engill.

Lífsferillinn 0-6 mánaða

Í tilefni af því að daman er orðin hálfs árs er réttast að tipla á helstu afmælum og "viðburðum" í lífi hennar ;)

Hér fyrir ofan er hún um hálftíma gömul og engu líkara en að hún sé að biðjast vægðar í þyngdar og lengdarmælingunum enda mikið lagt á litla písl. Hún mældist s.s. tæpar 10 merkur (2420 gr)og 46 cm.

Hér getur að líta ótrúlega stolta foreldra sem dást að litla undrinu og átta sig bara ekki á hvaðan það kom (svona "ó" fræðilega séð;) Ég er líka að pæla í hvernig í fjáranum ég eigi að halda lífi í henni...!

Hér er hún orðin 4ra daga þannig að hún lifði fyrstu dagan af... enda ekkert við öðru að búast svosem. En samt... Ósköp er hún lítil þarna :o

Orðin 1 mánaða og í myndatöku f. skírnarboðskortin í gamla skírnarkjólnum mínum:)

2ja mánaða með gullkross sem hún fékk í skírnargjöf. Farið að bætast talsvert í kinnarnar enda tók ég því mjög alvarlega að svelta alls ekki barnið:)

Eitt af fyrstu brosunum sem náðist á mynd og auðvitað er það mamman sem vekur svona mikla hamingju ;) Eins gott að njóta þessa tíma á meðan maður er miðpunktur alheimsins hjá barninu:D

Lítil budda komin með þessi flottu læri og alles:) 3ja mánaða.

Jólin gengin í garð og sú litla orðin 3 mánaða og 1 dags.4ra mánaða að lesa fyrstu bókina sína. Miklar bókmenntir á ferð:) og greinilega mjög áhugasöm, eða er hún kannski bara að hugsa "Whaaaat, er ekki hægt að bjóða manni upp á örlítið dýpra lestrarefni"? ;)
Búin að koma sér afar makindalega fyrir í Bumboinu og er að fylgjast með Simpson í sjónvarpinu.
Í sundi rúmlega 5 mánaða og er sko engan veginn að nenna þessu. Fyrsta veltan nýafstaðin. Rúmlega 5 mán. Í nýju hoppurólunni:) Það er gott og gaman að borða...

...en ekki gaman þegar grauturinn er búinn. Grenjaði mikið þegar hann var búinn og er þarna að tékka hvort það sé örugglega ekkert meira í boði. Ég gat nú ekki staðist þetta og bjó til meiri graut f. blessað barnið. 6 mán. afmælisstelpa. Finnst voða gaman að standa með hjálp.

Að smakka/naga gulrót í fyrsta sinn. Mjög gott að fá kalt á góminn. Engar tönnslur samt farnar að gægjast:)

Skrapp!

Er aðeins að dunda mér í skrappinu. Er svona rétt að koma mér í gang.

Hér getur að líta fyrstu blaðsíðuna í lífsferli Sigríðar Kötlu. Þetta er alveg "made from the scratch" ;)

Er svo að verða búin með bls. nr. 2. sem eru bara bumbumyndir eins og bls. 3 verður líklega auk sónarmynda:)

Brenda gaf mér fullt af skrapp-skrauti og bókina sjálfa frá USA og ég á líka ýmislegt smálegt svo það er engin afsökun fyrir því að vinna ekki aðeins meira í þessu.

Sigríður "stóra"

Keypti stútkönnu í dag og prófuðum svo að setja hana í Hokus Pokus stólinn í "borð-haminn" ;) Hvorutveggja virtist bara vekja lukku.

Fimbulkuldi

Úff hvað það hefur verið kalt undanfarið. Við mæðgur fórum í bæinn í gær á mömmuhitting og mér fannst vera e-r hrollur í mér þegar við vorum komnar í bæinn og þegar betur var að gáð var 12° frost!!
Sigríður Katla er í vagninum núna, en setti vagninn bara fram í forstofu og opnaði svolítið út. Það er sko alveg nóg. Enda er litla músin með svolítið kvef en hörkutólið ég dreif samt alla í ungbarnasundið í gær, enga linkind hér :) Þar var meira að segja kafað og ég lét hana kafa 2x. Veit ekki hvort ég var stoltari af barninu eða sjálfri mér f. að geta það.

Desperate housewifes byrjaði í gær. Þvílík hamingja með það. Meira að segja barnið skynjaði mikilvægi þáttarins og æmti hvorki né skræmti og var ég meira að segja bara búin að steingleyma henni í vöggunni þangað til Bubbi kom og fór að tala við hana. Þá vorum við báðar alveg dolfallnar yfir Despóinu.
Verð nú samt að segja að mér finnst alveg agalegt að Susan sé hætt með Mike og að dóttir Bree sé búin að taka son sinn frá Bree...
Já, það er gott að velta sér upp úr hörmungum annara :D

Annars fórum við í vigtun í gær og litli hlunkurinn minn er orðin tæp 7 kg og 62 cm. Styttist líka í að ég geti ekki lyft henni í Graco stólnum upp í pikkann :o

4ra mánaða prinsessa :D

Í dag er Sigríður Katla 4ra mánaða og mér finnst svo stutt síðan hún fæddist. Samt er hún orðin svo GRÍÐAR stór. Fórum að skoða barn í gær sem félagi Bubba var að eignast og var sá 16 merkur þegar hann fæddist f. viku. Mér fannst hann svo agnarsmár en samt var hann talsvert stærri en litlan okkar var þegar hún fæddist.

Í tilefni dagssins koma hér nokkrar myndir. Er nefnilega búin að missa af skottinu á mér inni á Barnalandi og ekki einu sinni búin að setja inn jólamyndirnar. En fer að bæta úr því MJÖG fljótlega. Get náttúrulega ekki látið ykkur dingla í lausu lofti í endalausri bið eftir að berja litla gullið augum :D

Sundmyndin er tekin í gær. Kennarinn prófaði að láta hana kafa einu sinni. Sagði að börnin væru tilbúin en spurning hvort við værum það... Bubbi var galvaskur en ég var skíthrædd. En lét tilleiðast... Og barninu varð alls ekki meint af.

Hér er legið í vöggunni og ákvað ég að henda öllum tuskudýrunum í kringum hana sem henni hefur áskotnast á sinni stuttu ævi. Hún er sko farin að grípa aðeins sjálf í hluti í kringum sig. Svo ótrúlega dugleg og þroskuð :P

Farin að geta setið sjálf í Bumbo stólnum sem við fengum frá GJ vinnufélögum :)

Helst að frétta

Í dag er Sigríður Katla 3ja mánaða, 3ja vikna og 3 daga. Finnst alltaf svo sniðugt þegar þetta hittist svona á:)

Fórum í fyrsta ungbarnasundtímann í gær, ætla að skrifa nánar um það á síðuna hennar Sigríðar http://barnaland.is/barn/80751 svona er ég nú sniðug að koma ykkur líka yfir á barnasíðuna og skoða í leiðinni sætu myndirnar ;) lykilorðið er b.t.w. bubbi ;D

Fórum í mömmuhitting í dag, en við mæðgur erum sko í 2 grúppum, dugar ekkert minna. Er s.s. bæði í hóp út frá draumabörn.net þar sem stelpur sem áttu í sept-okt (og reyndar í nóv) eru að hittast. Hittumst í dag hjá einni sem býr í Mosó, fannst verst að Ólöf Jóna er ekki hjá okkur um helgina, það hefði verið svo upplagt að sækja hana í leiðinni... Vorum í næstu götu við hana sko :)

Erum líka í grúppu sem Hanna Björg benti mér á í ágúst. Það er útfrá október 2008 síðu og er sá hópur talsvert öflugri og hittumst við reglulega á 2ja vikna fresti þar og erum oft upp í 12-15 stelpur sem hittumst með krílin. Býð nú ekki í hvernig þeir hittingar verða þegar börnin verða fyrirferðarmeiri...

Pantaði mér far til DK 5. júlí og förum við mæðgur bara 2 til að heimsækja Aldísi frænku og nýja barnið sem er áætlað 17. júní. Við biðjum um stelpu ;) Ætli við reynum samt ekki að dreifa okkur (ekki í parta samt) á aðra, kannski Önnu og Helle líka. Ætla mér nefnilega að dvelja heila 11 daga. Er kannski að ætla mér of mikið...

Man ekkert meira í bili en set inn 1 brosmynd með :D

og ein af systrunum við jólatréð. Pakkaflóðið var geysilegt og bara gaman að því:)

Jólin búin

Þá er þessi yndislegi tími átu og ólifnaðar að ljúka:)
Við mæðgur erum búnar að snúa sólarhringnum rækilega við. Hér er vaknað um 1-2 á daginn, Sigríður fer í vagninn um 3 leytið og svo erum við að sofna um 2-3 á næturnar. Þannig að tæknilega séð erum við alveg að ná nægum svefn og erum í rútínu og alles ;)
Venjulega sofnar hún samt um 11 leytið á kvöldin en vaknar svo voða spræk eftir hálftíma og vill þá bara spjalla.

Erum búin að hafa það æðislegt um jólin. Fengum alveg FULLT af gjöfum. Jólin í ár voru líka ansi frábrugðin síðustu jólum þegar við Bubbi vorum bara 2. Ólöf Jóna var hjá okkur núna og nýja barnið búið að bætast í hópinn. Svo gjafaflóðið flæddi undan trénu. Bestu þakkir f. allt saman og líka öll jólakortin:)
Nánari útlistun á gjöfum er á Barnalandi ;)

Áramótin voru fín. Mamma, Biggi, Lea og Birna Rún komu í mat og við átum ofsteiktan grísabóg sem ég skreytti ríkulega af negulnöglum og lárviðarlaufi. Skellti svo góðri gommu í botninn á ofnpottinum... Mamma kom svo um 18 og reddaði þessu með góðri sósu :) Mjög hentugt að bjóða mömmu í mat.
Þau fóru svo rétt yfir miðnætti (skutum upp engum flugeldum, enginn tímdi að horfa á peningana fuðra upp í bókstaflegri merkingu) og mér tókst að drekka hálfan bjór og þakka fyrir að hafa bara gefist á upp honum því mjólkurframleiðslan rauk upp í hæstu hæðir. Gaf stelpunni 2x yfir nóttina þó hún væri nú bara að umla í svefni (hefði alveg getað gefið bara dudduna) því mér leið eins og ég væri komin með stálma.

Síðustu 2 daga hefur verið hálfgerður vesaldómur á litlu fjölskyldunni. Ég og Sigríður Katla með kvef og Bubbi almennt slappur og e-ð slæmur í belgnum.

En jæja, nú var litla sofnuð í annað sinn í kvöld en er aftur vöknuð, enda ekki alveg komin hennar háttatími;) Ætla sko alveg að vakna um 11 á morgun og reyna að koma okkur á rétt ról aftur.

Til hamingju Lea:)

Lea útskrifaðist í gær frá FG, gleymdi alveg að nefna það í bloggfærslu gærdagssins.
Til hamingju með áfangann Lea mín og haltu áfram að vera dugleg.
Við gáfum henni saumavél í útskriftargjöf, sem kemur sér vel í kreppunni. Hún er sko alveg svakalega dugleg að sauma föt og á örugglega eftir að nota vélina helling.

Allt á kafi í snjó :)

Jólin nálgast eins og óð fluga og mér finnst allt of mikið eftir.

En samt er í rauninni ekki svo mikið eftir, bara að klára að glerja, brenna það, pakka flestu inn og svo er húsið á hvolfi...

En það er allt í lagi, ég verð í veislum og boðum um helgina og verð svo mest lítið hér heima hvort sem er um jólin en það eru ansi mörg boð á milli jóla og nýárs. Þó á ég eftir að finna tíma f. boð með mömmu (maður verður nú að fara að sýna barnið um jólin :) ) og svo er mamma Bubba líka að tala um e-ð boð...

Það er svona þegar allir eru skildir, þá doblast öll boð.

En maður á náttúrulega alls ekki að kvarta, þarna verður gnægð af fríum mat. Og maður þarf jú að borða um jólin og það vel.

Prófaði snjósleðann okkar um daginn. Fengum stelpu kunningsfólks okkar til að passa litluna í svolitla stund á meðan við Bubbi fórum á sleðanum og fjórhjólinu upp í dal.

Fjórhjólið var að drulla á sig í öllum snjónum en snjósleðinn gjörsamlega orgaði áfram, vá hvað hann var fljótur upp á fótboltavellinum. Hann er líka 1000 hestöfl sem er eiginlega óþarflega mikið.

Margir hafa spurt hvenær megi prófa... það er undir hverjum og einum komið, þeir hinir sömu þurfa að koma sér hingað þegar það er snjór og Bubbi mun örugglega leyfa prufukeyrslur með glöðu geði.

Sigríður Katla fór í skoðun í vikunni og er farin að fyljga meðalkúrfunni í þyngd, enda rauk hún beint upp í þyngd en fer sér örlítið hægar í lengd, enda er hún orðin ansi búttuð og vel haldin :)

Hún brosir sínu blíðasta alla morgna svo það er engin leið að vera morgunfúll.

Verð að láta eina mynd fylgja með af henni brosandi.

Svo fórum við á jólaball ÁTVR um daginn og við náðum þessari mynd af Ólöf Jónu og Siggu. Ólöf Jóna var sko bara að spjalla við Siggu eftir ballið. Sá það þegar ég kom frá því að gefa litlunni frammi, dreif mig að sækja myndavél og smellti af.En jæja, barnið er sofnað úti í vagni og þá er best að nýta tímann og gera e-ð af viti.

Jólasteikin komin í hús:)

Enn bætist í kinnarnar á dömunni og er hún farin að minna pínulítið á bolabít... samt sætan bolabít...

Jæja, þá er sjálf jólasteikin komin í hús.

Ákvað að labba, já þið lásuð rétt, að labba í snjósköflunum með fína Simó vagninn minn niður í Bónus. Langaði aðeins að testa vagninn í svona færð, hann kom mjög vel út:)

Aðaltilgangur ferðarinnar var annars að fara með kort og pakka sem eiga að sendast til útlanda. Sendi alltaf Helle smáglaðning og fylltar lakkrísreimar hver jól:) Hún er mjög svekkt yfir því að blár Opal fæst ekki lengur, henni fannst svo mikið sport að éta nammi með klóróformi í :D´

Mér tókst að vera það tímanlega í þessu að ég gat sent Helle pakkann í B-pósti. En ef ég hefði verið að senda þetta til Noregs hefði víst ekki unnist tími f. B-póst að sögn póstafgr.konunnar því póstþjónustan í Norgegi er víst alveg afspyrnu léleg!

En ég ákvað s.s að versla smá í leiðinni og JESÚS minn hvað allt heldur áfram að hækka!! Oststykki er komið upp í tæpan 1600 kall, sem er alveg 500 kr. hækkun!!

Keypti svo munað eins og piparkökur en tímdi ekki enn að kaupa Nóa-konfektið en veit að ég gef mig stuttu f. jól...

Litla Sigríður var með versta magaverk hingað til, í nótt. Hún vældi, gargaði og kveinkaði sér til að verða 4, en þá sofnaði hún loksins greyjið, datt loksins út þegar ég var farin að ganga með hana um gólf.

Enda hefur hún verið meira og minna sofandi síðan f. utan rúml. klst. vöku í kringum 14 í dag, en þá tókst henni líka að fylla heila bleyju - jei, eitthvað sem hefur ekki tekist hjá henni í 9 daga.

Bubbi er svo nýkomin heim, skreið í bað, sofnaði og hefur nú fært sig yfir í rúmið. Hann hefur verið að moka í bænum og laga snjómoksturs-traktorsgröfuna meira og minna síðan kl. 6 í gærmorgun. En þetta er fínt að hann fái svona tarnir, fullt af næturvinnutímum sem gefa vel af sér :)

Vonandi snjóar bara nokkuð vel fram að jólum;) En nú er spáð rigningu svo hann fær frí á morgun í vinnunni.

Sem er fínt, þá klárum við líklega baðherbergið.

Skelli inn smá myndum að litla dýrinu. Hún er farin að brosa næstum eftir pöntunum sem er alveg frábært:D

Georg Jensen og baðframkvæmdir

Jólin nálgast víst.
Finnst samt ekki eins og þau séu að koma, en er samt svona að reyna að mjaka mér í jólagírinn. Tók aðeins til í dag, skreytti og hlustaði á jólatónlist. Verð nú að viðurkenna að ég komst í smá gír þegar ég hengdi upp Georg Jensen skrautið mitt. Það er svo fallegt.
Á óróann frá 06 og 07. Tengdó hefur gefið mér þá. En ég hringdi samt sérstaklega í hana í dag til að láta hana vita að hún ætti ekki að kaupa óróann í ár því ég sá hvað hann er farinn að kosta og mér myndi líða illa að fá svona dýra gjöf, þar sem við ætlum ekki að gefa dýrar gjafir í ár.
Hann er kominn í 5960 kr. þar sem ég sá hann allavega!!!
Hægt var reyndar að fá eldri útgáfur á 3þús. og e-ð sem er aðeins skaplegra.

En nóg af óróum... maður er nú orðinn meira gamalmennið að hafa áhuga á þessu -hnuss.
Þarf náttúrulega ekki að taka fram hvað ég væri til í að eiga aðventukertastjakann frá þeim.
En jæja, nóg af þessu rugli, og ég meina það :)

Erum aðeins að taka baðið í gegn hjá okkur. Erum að vanda okkur mikið og leggjum mikið í þetta. Fór svo að pæla hvort það væri ekki vitleysa ef maður missir húsið...
En við munum allavega búa hér frítt (þannig séð) til nóv. 2011 þar sem frysting ÍLS er í vinnslu. Það tekur bara óhemju tíma hjá þeim að afgreiða þetta... líklega nóg að gera hjá þeim.
"Bara" að borga fasteignagjöldin sem eru um 250 þús á ári. Algjör geðveiki. Mætti halda að við byggjum ofaná olíuauðlindum.

Sigríður Katla dafnar vel. Er farin að góla þar til maður tekur hana upp, þau eru snögg að læra. En hún er nú yfirleitt voðalega góð og er foreldrum sínum ekkert of erfið. Hún þyngist dag hvern og er bara hreinlega farin að síga aðeins í þegar maður heldur á henni. Merkilegt hvað hún getur þyngst hratt.

Barnið lifði af pössun;)

Já, sá merki atburður átti sér stað að við Bubbi fórum í bíó saman. Sigríður Katla var hjá Leu frænku sinni á meðan og var því bíóið valið m.t.t. til búsetu hennar en við fórum í Smárabíó og yrðum því bara um 5-10 mínútur að bruna yfir hæðina ef hún yrði brjáluð.

Ég hafði talsverðar áhyggjur af því að skilja hana eftir, ekki af því að ég treysti ekki Leu heldur var ég bara hreinlega ekki viss um að barnið myndi lifa aðskilnaðinn af!!

Hringdi strax í Leu í enda götunnar, en ég hafði gleymt að segja að barnið þyrfti að ropa og svo þyrfti að skipta fljótlega á henni...

Dauðlangaði að hringja í hléinu, jafnvel fyrr... en hugsaði sem svo að Lea hlyti að hringja ef þess þyrfti.

Mér tókst að hringja ekkert.

Myndin var fín, fórum á James Bond. Mikið svakalegur töffari er maðurinn -og flottur.

Það truflaði mig hins vegar svolítið að ská fyrir framan okkur sat drengur sem bilaðist alveg í orðsins fylllstu merkingu ef það kom spennandi atriði. Þá byrjaði hann að hossa sér í sætinu, veifa höndunum og hrista hausinn eins hratt og hann gat. Og þetta var allt framkvæmt í einu...

Það var soldið fyndið að sjá þetta... en auðvitað var þetta samt ekkert fyndið sko... greinilega veikur á ferð.

En þetta orsakaði það að ég missti stundum úr spennuatriðunum, slíkur var djöfulgangurinn.

Annars gengur vel með litlu Sigríði Kötlu. Hún varð 2ja mánaða í gær og stækkar og dafnar rosalega vel.

Hún er reyndar farin að taka aríur á kvöldin. Byrjar um kl. 23-miðnættis og stendur þetta yfirleitt nákvæmlega í 3 klst. Þannig að við virðumst hafa þetta vandamál sem við Sigrún vorum að tala um, um daginn.

En í gær gladdi barnið mig og sleppti þessu kasti sínu. Þannig að við mæðgur gátum lagt okkur um 1. Eftir að hafa horft saman á Dexter.

Að sjálfsögðu verða örfáar myndir að fylgja með :)

Keypti þennan skemmtilega galla á Eskifirði í sumar. Var svo að geyma hann voða vel þar til hann myndi passa, en minnstu munaði að hún yxi framhjá honum án þess að nota hann nokkurntímann.

Við fórum í göngutúr um daginn. Fyrsta sinn sem litlan fór í vagninn. Svaka fínn Abbey Road stíll á þessu;)

Stundum gerum við æfingar. Er samt ekki nógu dugleg að láta hana gera þetta en þetta er góð æfing til að þjálfa höfuð-upphald.

Svona vorum við fínar á skírnardaginn:)

Skírn eftir 2 daga

Jæja, best að sinna þessu bloggi aðeins. Hef hvort eð er ekki nennt að blogga inn á barnaland og það er óþarfi að leyfa ykkur ekkert að fylgjast með litlunni, sem er nú að fá nafn eftir 2 daga. Það verður gaman að farið að geta notað það "in public":)

Skírnin er s.s. eftir 2 daga og þó við séum bara að bjóða því nánasta eru boðsgestir komnir upp í 35!! Veit ekki hvernig þetta gerðist, en það er gott að eiga marga að:)



Er búin að vera að vinna í þessu í nokkra daga og nú eru bara nokkrir hlutir eftir s.s. að finna sokkabuxur á stelpurnar (Tuski í Hveragerði er ekki að standa sig, þarf því að fara alla leið í Rvk að finna sokkarbuxur), kaupa buxur á Bubba en hann "vex" alltof reglulega upp úr þeim sparibuxum sem hann á. Ætla líka að sækja skírnarkjólinn á morgun en hann er á saumastofu þar sem verið er að sauma nafn stelpunnar í borðann. Ólöf sér um skírnarkertið og ég hringdi áðan og lét skreytingarkonuna vita nafnið og hún lofaði að pakka kertinu vel inn svo nafnið sæist ekki:)

Skírnarkakan er í bakstri og verður sótt á laugard. Hún var nú smá hausverkur en konan í bakaríinu sagði að hún vissi ekki til að það væri hægt að fá skírnarköku m. súkkul.bragði!! og vélaði mig til að panta svampbotna og fromage m. ávöxtum... yuck!

Minnir mig bara á svampklessurnar með rjómanum og perunum í gamla daga sem voru í öllum afmælum.

En ég talaði við bakarann sjálfan áðan og auðvitað er ekkert mál að hafa súkkul.botn. Reyndar verður hann ljós á lit, en m. súkkul.bragði og svo með jarðab. og súkkul.fromage. Reyndar með smá perum í öðrum frómassnum. Og svo sykurmassi yfir, svo hún verður skjannahvít.

Vona að hún verði rosa flott.

Hlakka bara ansi mikið til dagsins. Bubbi ætlar að segja nafnið og ég er að hugsa um að halda á henni.

...Gleymdi að setja þetta inn á netið f. 2 dögum... skírnin er s.s. í dag, sem þýðir að ég hef engan fjárans tíma til að hanga á netinu... Enda hætt núna:)

Barnalandssíða

Jæja, þá er ég búin að setja á laggirnar Barnalandssíðu. Dugar ekki minna til en heil síða á al-netinu fyrir litla undrið.
Annars gengur bara vel. Hún er farin að vaka talsvert meira. Auk þess hefur hún verið svolítið pirruð í maganum sem kemur helst fram í því að hún rymur og hneggjar á næturnar. Er t.d. ansi þreytt eftir hnegg síðustu nætur og ætti eiginlega að fara að hunska mér í rúmið.

En jæja, ætla ekki að tefja ykkur meira. Svo þið komist á síðuna okkar sem er :http://barnaland.is/barn/80751
Ég mun svo breyta nafninu á slóðnni síðar í samræmi við nafnið sem hún fær eftir 3 vikur.
Og svo vil ég endilega kvitt í gestabókina :)

Nokkrar myndir...

Bloggspottið var e-ð leiðinlegt í gær, en nú sýnist mér ég get dritað inn nokkrum myndum:)

Fyrst er agalega sæt mynd af "litlunni"

Maður getur líka verið ansi "mean looking".

Hér er verið að baða í fyrsta sinn (hefur bara farið í sturtu hingað til) og stóra systir fylgist vel með:)

Við fórum í heimsókn til Hönnu Bjargar frænku(er sjálf sett í næstu viku) , hún og Andreas knúsuðu mig.

Hér er Sigrún frænka með mig. Tekur sig bara ansi vel út sem frænka:)

1 mánaða pæja

Þá er litla skvísan orðin mánaðargömul og ég er búin að gefa mig loksins og ætla að fá mér svona bannsetta Barnalandssíðu!!

Mun senda út slóðina þegar hún er tilbúin.

Maður hefur bara svo gríðarlega þörf á að útbúa sér síðu á internetinu fyrir barnið svo að sem flestir geti dáðst að henni.

Síðan kostar 3000 kall fyrir árið og auk þess fæ ég aðgang að auglýsingadálknum en það hefur viljað loða við þetta heimili að hér gengur ýmislegt kaupum og sölum.

Núna vantar okkur t.d. að losna við fjölþjálfann (hægt er að gera 64 mismunandi æfingar í honum;) ) En fjölþjálfi þessi hefur hangið inn í skúr yfirgefinn í heilt ár. Bubbi notaði hann nokkrum sinnum, fór þá út í skúr, settist á hann og reykti sígarettu á meðan hann tosaði í nokkur bönd á þessu. Vá hvað hann barðist til að fá þetta lífsnauðsynlega tæki, keyrði upp á Skaga og allt til að kaupa þetta. Gæjinn sem seldi honum þetta er örugglega enn að flissa að þessu.

Helga sem ég var að vinna með í gamla daga í 10-11 var að eiga sitt annað barn, litla stelpu í nótt. Innilega til hamingju með prinsessuna, Helga og Marco.

Set inn myndir á morgun -nema ég verði bara komin með barnalandssíðu... (fjandinn, er með hálfgerðan hroll að þurfa að éta oaní mig mínar fyrri yfirlýsingar um þessa síðu)

Skírn og bílaskipti

Höfum ákveðið að hafa skírnina 15 nóvember. Það vill svo skemmtilega til að það er afmælisdagur Einars, pabba Bubba.
Hringdi í dag í prestlinginn og hann samþykkti að koma og skíra heima en reyndi þó að fá okkur til að skíra í kirkjunni frekar.

Ég myndi kannski vilja skíra í kirkju ef ég léti Einar í Fríkirkjunni skíra, en annars vil ég bara hafa þetta heima.

Ætla að reyna að fá lánaða skál sem Helga amma á, sem hinir og þessir hafa verið skírðir upp úr:)

Ætlum að bjóða bara nánustu fjölskyldu og nokkrum vinum.
Margir ættingjar ætla að baka eitthvað og koma með svo þetta ætti að verða nokkuð auðvelt... , en ég á sjálfsagt eftir að missa mig samt... Svona veislur fara auðveldlega úr böndunum.

Erum búin að ákveða nafn, eða ég svona eiginlega kom með hugmyndina... og Bubbi samþykkti. Hann hafði samt meira um seinna nafnið að segja:) Hér ríkir jafnræði sko.

Þá er bara að fara að útbúa boðskort og senda út.
Hljómar auðvelt.

Á morgun ætla ég að prófa að mæta með litluna á svona mömmumorgun í kirkjunni. Þar hittum við aðrar mömmum og krílin þeirra. Gæti orðið fjör.

Hún tók sig til og vakti meira og minna í alla nótt. Fyrsta svona erfiða nóttin okkar :/ en veit samt að þetta gæti hafa verið miklu miklu verra. Hún háorgaði ekki neitt, urraði bara og rumdi, var mjög pirruð enda hljómuðu smellir og dynkir úr maganum á henni. Hún var s.s. með í maganum.
Gæti verið mér að kenna, drakk frekar mikið kók í gær... Líklega í lagi að fá sér 1-2 glös, ekki 5-6.

Já og svo höfum við selt trailerinn og pikkinn varð að fara með því hann er einn af fáum bílum á landinu sem er með búnað til að draga þennan trailer.
Græddum ekki á þessu, lánin voru bara yfirtekin. Svo við misstum þessa milljón sem við áttum í pikkanum, en í staðinn erum við búin að létta mánaðarlegar afborganir talsvert.
Í staðinn tókum við yfir hvítan Chevrolet Suburban "03, voða töffaralegur. Og í tilefni kreppunnar tókum við líka yfir snjósleða sem er reyndar á ísl. lánum (fáheyrður munaður núorðið) í staðinn f. öll dekkin sem Bubbi flutti líka inn og passa undir trailerinn.
Fengum því í raun 800 þús. f. dekkin því það hvílir bara 400 þús. á sleðanum.
Bubbi er himilifandi með hann og nú er skúrinn okkar orðinn fullur í orðsins fyllstu merkingu af leikföngum að ógleymdum brennsluofninum mínum og fjölþjálfanum hans Bubba sem hvorugt er notað. Já það er gott að eiga drasl... Það er nú komin kreppa....

Já og svo óska ég eftir fínum síðum skírnarkjól. Mamma lét mig hafa voða fínan kjól um daginn, alsettan blúndum. Ég var skírð í honum. En hann er stuttur og mig langar svo að hafa síðan. En ég sé til. Kjóllinn minn er nú voða sætur. Barnið myndi vera eins og rjómabolla í honum.

Og ein mynd í lokin.

Myndir af Brjóstmilkingnum

Hér kemur alveg hrúga af myndum, því öllum finnst barnið svo agalega sætt að allir vilja sjá fullt af myndum af henni :D

Hér er mynd af mér í galla sem Birna Rún átti og seinna Lea.

Stundum er hægt að fá mig til að brosa eftir pöntun, ef mér er strokið um kinnarnar :D
Það er stundum erfitt að vera svona lítill. Annars var pabbi að stríða mér og strjúka varirnar. Var bara nýbúin að drekka og ætlaði ekki að láta lauma neinu upp í mig.

Birna Rún og Stjáni kíktu í heimsókn og voru að prófa mig.

Pabbi með stelpurnar sínar. Stóru systur finnst voða gaman að halda á mér. Já, það er rosa gaman að halda á mér...Á leiðinni í bæinn. Í nýja gallanum frá ömmu Aggú og með nýju húfuna sem amma Brenda prjónaði.

Með vinum mínum í vöggunni.

Svona geri ég þegar ég er orðin aðframkomin af hungri :)

Svona er ég þegar ég er virkilega södd, eins og drykkjurútur á 13 bjór.

Með pabba

Og enn er komið fólk að halda á mér:)

Afi Sævar og Amma Ólöf fengu að prófa mig.

Og Þórný Helga frænka sat alveg heillengi með mig.