Það er allt í hers höndum hérna. Díkó stakk af í fyrradag og át náttúrulega einhvern andskotann í ferðalaginu og í gærdag beið mín þvílíka skítahrúgan og í gærkvöldi gerði hann sér lítið fyrir og heyrði ég bara drunurnar þegar hann hleypti út 1 bombu á helvítis stofugólfið! Hann hefur áður farið á þennan stað til að skíta og alltaf þarf hann að hitta svolítið á fínu persnesku mottuna sem pabbi Bubba keypti í Alsír. Það er skemmst frá því að segja að mottan fauk bara upp á grindverk úti og svo lét ég Bubba skera út bútinn með skítnum! Var að kafna úr fýlou. Þannig að nú verðum við fá okkur parketið sem hefur svosem staðið til þannig séð. Þetta flýtti framkvæmdum.
Í nótt tók svo Ólöf Jóna upp á að gubba pizzunni sem við bjuggum til í gær. Barnið var aðallega smeykt um að ég yrði brjáluð því ég tók því ekki vel þegar hundurinn hafði skutlað úrgangi á tepið. Mér fannst aftur á móti æla alger hátíð miðað við drulluna! Og lítið mála að skvera það miðað við hitt.
Ætli við tökum þvi bara ekki rólega í dag. Þarf reyndar að komast á Selfoss og birgja mig upp af límmiðum þar sem ég hef sett í gang límmiðakerfi fyrir heimalestur í vinnunni. Það virkar vel og fá börnin 1 stóran eftir að hafa fengið 5 litla (=5 daga heimalestur í röð) Bravó fyrir mér!
Gerast áskrifandi að:
Birta ummæli (Atom)
2 ummæli:
Oj barasta!! Uss.. svo heldur þú að hundur sé skárra gæludýr er rotturnar ;) Þær skíta nú bara pínu litlum pulsum :þ
(á þessu heimili er reyndar annar aðili sem sér um að skíta á mottur svo það þurfi að henda þeim...)
Aumingja Ólöf Jóna, hún er nú meiri dúllan :)
Já, nú 4 dögum síðar er hundhelvítið enn drullandi, nú síðast í bílinn. Sem betur fer var teppi yfir öllu sem auðvelt var að smúla og setja svo í þvottavél. Það þarf engan að undra að ég er nú sjálf komin með í magann...
kannski rottur séu ekki svo slæmar...
Skrifa ummæli